首頁 - 新聞資訊 - 正文
中國旗袍協會香港總會會長胡凡爵士應邀出席『香港和平獅子會2019—2020年度第三屆職員就職典禮暨慈
發佈于:2019-08-25

2019-2020 年度香港平和獅子會會長廖麗心獅姐發表致辭:

國際獅子總會中國港澳303區总監王恭浩獅兄、前國際理事文理歡獅、各位青獅、各位來賓,大家好!

今日好高興在大家見證下,我正式接任香港和平獅子會新一屆會長之職。

香港和平獅子會雖然踏入第三個年头,但係我參加獅子會已經六年有多,我係源出港島獅子會,大家都知道港島出左幾位总監,仲有不少阿叔阿伯,跟佢地学到不少獅子會文化。

大家刚才聽到我地刚卸任會長張美婷獅姐佢既會務報告,上屆做左33個服務,受惠人數超三萬人,好多人都問我同一個問題,“你會唔會好大壓力?",我就趁今日实实在在一次过回覆大家,我係無,因為我有一班好好既獅友,上下一心, 秉承獅子會四出精神,及香港和平既格言,和平共處,服務為先,不過最重要係 我地有一個好好既創會會長陳延邦獅兄,佢不但教我好多獅子會既文化、禮儀,仲有做人应有既態度,幫我地解答及解決一些疑問,所以我地由邦主帶领下只會愈做愈好。

香港和平獅子會雖然創會兩年,所做既全是深入社區既服務,今年亦會跟從總監王恭浩獅兄以青少年服務主题的意向,以教育方式令青少年领悟出社會共融及關愛共融既真締。

香港和平獅子會每年恆常服務已有七八個,愛心福袋萬家歡係其中一個主打服務,得到各社區團體協助,得以令1萬位65歲以上既老友記同一時間在不同地區受惠。我希望能擴大地區範圍,甚至香港以外既地方,继而增加受惠人數!

今晚得以順利進行,实有賴各位既鼎力支持及出席,更衷心感謝籌委會成員的安排籌劃,感謝香港和平獅姐們對我既愛護,送给我一個青花瓷表演,盡是四出精神既表現!請大家細心欣賞佢地既表演,我一定不負所望,做到最好!最後,祝大家獅誼永固,身體健康,謝謝大家!!